SIHA KUPANDA MITI ZAIDI YA 1.7 MIL

HALMASHAURI YA WILAYA YA SIHA

TAARIFA KWA UMMA

Mkurugenzi Mtendaji wa Halmashauri ya Wilaya ya Siha anapenda kuwajulisha Wananchi wote wa Wilaya ya Siha kuwa maadhimisho ya kampeni ya kupanda miti Kimkoa yatafanyika  katika Wilaya ya Siha tarehe 21/04/2016.

Katika maadhimisho hayo,Wananchi wanaombwa kujitokeza kwa wingi katika eneo la makao makuu ya Halmashauri na katika maeneo mengine watakayoelekezwa na viongozi wao kwa ajili ya kushirikiana zoezi la kupanda miti. Mgeni rasmi  katika maadhimisho hayo atakuwa Mheshimiwa Said Meck Sadiki   Mkuu wa Mkoa wa Kilimanjaro. Aidha mh.mkuu wa Mkoa wa Kilimanjaro atashiriki zoezi la kupanda miti na Wananchi eneo la makao makuu ya Halmashauri siku hiyo.

Wananchi wa maeneo Kata za jirani na Jengo la Makao Makuu ya Halmashauri ya Wilaya ya Siha lililopo Kata ya Gararagua kwa jina  maarufu Dutch Kona wanaombwa kufika kwa wingi kwa ajili ya Kuunga mkono jitihada za Serikali za kutunza Mazingira

Katika maadhimisho hayo  zaidi ya miti 7,000 ya aina mbalimbali zitapandwa katika eneo la kuzunguka makao makuu ya Halmashauri ya Siha.

Aidha, Maandalizi ya kupanda miti siku hiyo yamekamilika ambapo Mkuu wa Wilaya ya Siha,Mheshimiwa Mbunge wa Jimbo la Siha ni miongoni mwa viongozi watakaoshiriki na Wananchi katika upandaji miti.

Katika kuitikia wito wa zoezi hilo leo wanavikundi mbalimbali wa mazingira kutoka Wilaya ya Siha wamepanda miti zaidi ya 4,000 katika eneo atakalopanda miti Mh Mkuu wa Mkoa wa Kilimanjaro atakapojumuika na Wananchi tarehe 21.4.2016

Katika mwaka wa fedha 2015/2016 Halmashauri ya Wilaya ya Siha imeweka malengo ya kupanda miti zaidi ya 1.7 Mil katika maeneo mbalimbali katika halmashauri hiyo

Limetolewa na

 Kitengo cha Habari na Mawasiliano

Halmashauri ya (W) Siha

Tarehe 08/4/2016

MCHEZO WA KIKAPU WAPATA WATAALAMU WILAYANI SIHA

 wahitimu wa mchezo wa kikapu Wilayani Siha ambao ni walimu wa Shule za Msingi na Sekondari  wakifurahia kupata vyeti vya kuhitimu mafunzo hayo hivi.  viongozi wa chama Cha Mapinduzi  na Serikali pia walihudhuria ufungaji wa mafunzo hayo

SIHA INATEGEMEA KUPANDA MITI ZAID YA 1.7 MIL KATIKA MWAKA 2015/2016

 kitalu cha miti cha Halmashauri ya Wilaya ya Siha kwa mwaka 2016

NB:

Katika kuitikia Wito na Kampeni ya Serikali kuhusu uoteshaji wa miti hapa nchini. Wilaya ya Siha inatarajia kupanda miti zaidi ya 1.7 Mil katika maeneo mbalimbali yakiwemo Taasisi za Serikali na Binafsi,Kandokando ya mito na barabara,maeneo ya makazi ,maeneo ya wazi na kwenye vilima

WANANCHI WAHAMASIKA KUTUNZA MAZINGIRA WILAYANI SIHASIHA

 baadhi ya Wananchi watunza mazingira Wilayani Siha wakiwa kandokando ya jengo la ofisi ya mkurugenzi kwa ajili ya kuchimba mashimo ya kuotesha miti ya kivuli na maua kwa ajili ya kutunza mazingira

 wana mazingira Wilayani Siha wakipokea maelekezo kwa viongozi wao hivi karibuni. hayo yamefanyika katika jengo la Halmashauri ya Wilaya ya Siha ambapo wana mazingira hao wanategemea koutesha miti zaidi ya 2000 katika kipindi hiki cha mvua za masika

 wakina mama wa kikundi cha Florest wakishiriki katika uchimbaji wa mashimo kwa ajili ya maandalizi ya uoteshaji wa miti ya kivuli na matunda katika eneo la Halmashauri ya Wilaya ya Siha

WALIMU WA SHULE ZA MSINGI NA SEKONDARI SIHA WAPATIWA MAFUNZO YA MCHEZO WA KIKAPU

 mkurugenzi Mtendaji Halmashauri ya Siha akiwapongeza baadhi ya wahitimu wa mafunzo ya mchezo wa Kikapu katika Wilaya ya Siha

 Afisa utamaduni na vijana katika Halmashauri ya Siha  Hanselm Hamaro akipongezwa  na Mgeni rasmi kwa kuhitimu mafunzo ya mchezo wa Kikapu miongoni mwa washiriki.

walimu wa shule za msingi na Sekondari Wilayani Siha waliohitimu mafunzo ya muda mfupi kwa mchezo wa kikapu. Hitinisho na ugawaji wa vyeti ulifanyika katika ofisi ya Chama cha Mapinduzi Wilayani Siha hivi karibuni. Jumla ya walimu 14 wa shule za msingi na 5 wa shule za Sekondari walipatiwa vyeti vya kuhitimu na Mgeni rasmi Mkurugenzi wa Halmashauiri ya Siha Rashid Kitambulio

MAADHIMISHO YA SIKU YA USONJI DUNIANI YAFANYIKA WILAYANI SIHA TAREHE 2.4.2016

maandamano ya Wananchi wakiwemo walemavu wakiingia katika eneo la kufanyia maadhimisho ukumbi wa KKKT Jimbo la Siha na kupokewa na Mkuu wa Wilaya hiyo Dkt Charles Mlingwa

 wazazi na wanafunzi wakiwa katika ukumbi wa KKKT Jimbo la Siha katika maadhimisho ya siku ya Usonji Dunia tarehe 2.3.2016 Wilayani Siha

Mkuu wa Wilaya ya Siha Dkt Charles Mlingwa akisisiza jambo katika maadhimisho ya siku ya Usonji dunia. Katika Wilaya ya Siha yalifanyika katika ukumbi wa Mikutano Amani KKKT Jimbo la Siha

SIHA YAAZIMISHA SIKU YA WALEMAVU DUNIANI TAREHE 02.3.2016

Wilaya ya Siha mkoa wa Kilimanjaro imeazimisha siku ya walemavu duniani kwa kuwa kuwakutanisha walemavu wa aina mbalimbali

maadhimisho hayo yamefanyika katika ukumbi wa mikutano wa KKKT Jimbo la Siha kwa kuwakutanisha walemavu wa aina mbalimbali  wakiwemo walemavu wa ngozi

katika maadhimisho hayo mkuu wa Wilaya ya Siha  ambaye pia ni Mkuu wa Wilaya ya Hai Dkt. Charles Mlingwa  ndiye alikuwa mgeni wa heshima ambapo aliwataka wazazi wa Wilaya za Siha na Hai kuhakikisha kuwa wanawatendea vema kwa kuwalinda na kuwapa haki zao za msingi walemavu

hata hivyo Mlingwa kwa upande mwingine alisema kuwa Serikali kwa kushirikiana na madhehebu ya dini itaendelea kuwajali na kuwapa haki zinazostahili walemavu wote katika jamii

alieleza kuwa ipo changamoto kwa baadhi ya wazazi kuwaficha walemavu ndani na hivyo kufanya utambuzi wao kuwa mgumu hasa maeneo ya vijijini

Dkt Mlingwa aliendelea zaidi kusema kuwa hali hii ya kuficha walemavu ndani inatokana na baadhi ya mila na desturi za Makabila yetu ambayo wengine wanaamini kuwa kuwa na mtoto mlemavu ni laana katika familia

mimi kama mkuu wa Wilaya kwa niaba ya serikali sitakubali kuona jambo hilo linaendelea katika eneo langu la utawala hasa Wilaya hizi za Siha na Hai ambapo kwa sasa mimi ni mkuu wa Wilaya na mwakilishi wa Wananchi aliongeza Dkt Mlingwa

napenda kuagiza kwa msisitizo kuwa Serikali itafanya kila inaloweza kufanya kuhakikisha kuwa wale wote wanaowanyanyapaa na kuwanyanyasa walemavu wanachukuliwa hatua za kisheria mara moja 

Naye kaimu mkurugenzi Mtendaji wa Halmashauri ya Siha Abrahaman Kanji kwa upande wake alieleza kuwa Halmashauri ya Siha itaendelea kushirikiana na wadau mbalimbali kuhakikisha kuwa walemavu wote hasa watoto wanapatiwa elimu stahiki bila ubaguzi wowote

aliipongeza KKKT jimbo la Siha kwa kazi nzuri wanayofanya ya kuanzisha shule maalumu ya Msingi Faraja kwa ajili ya watoto wenye ulemavu wa aina mbalimbali.

 aliwaomba Kanisa kwa kushirikiana na Serikali kuendelea na moyo huo wa kuwahudumia walemavua na hata wale wasiowalemavu na Halmashauri ya Siha itaendelea kushirikiana na Kanisa hilo

wilaya ya Siha inazoshule tatu za msingi na shule moja maalum kwa ajili ya utoaji wa elimu kwa watoto walio na ulemavu wa aina mbalimbali japokuwa shule hizo zinakabiliwa na changamoto mbalimbali zikiwemo za miundombinu wa majengo