Uandikishaji Darasa la Kwanza 2017 asilimia 99

Zoezi la uandikishaji wanafunzi wa darasa la kwanza katika shule za msingi Wilayani Siha umetia fora kwa mwaka 2017. 

Kwa mujibu wa taarifa iliyotolewa  kwa mgeni Rasmi  Mhe Onesmo Buswelu Mkuu wa Wilaya ya Siha katika maazimisho ya siku ya elimu Wilayani Siha yaliyofanyika katika shule ya msingi Sanya Juu tarehe 30.5.2017.

Uandikishaji wa Wanafunzi katika shule za msingi umefanyika kwa mafanikio makubwa na jumla ya Wavulana 1690 na wasichana 1675  ambapo jumla ya Wanafunzi wote waliandikishwa ni 3365 sawa na asilimia 99 ya lengo la uandikishaji kwa  mwaka 2017.

Taarifa iliyotolewa ilieleza kuwa Kufanikiwa kwa zoezi hili la uandikisha kumetokana na Sera ya Serikali ya Tanzania ya Elimu bila malipo kuanzia kidato awali hadi kidato cha Nne.

Halmashauri ya Wilaya ya Siha ilikuwa imeweka lengo la kuandikisha jumla la wanafunzi 3405 wakiwemo wasichana 1655 na wavulana 1753 kwa mwaka 2017.

Aidha, moja ya sababu ya kutofikiwa malengo ya uandikishaji wa wanafunzi kwa asilimia 100 umetokana na baadhi ya jamii ya wafugaji kuwa na tabia ya kuhama kutoka sehemu moja hadi nyingine kwa lengo la kufuata malisho ya mifugo yao.

Akiongea na wadau wa elimu ,Wanafunzi,Walimu na Wazazi Wilayani Siha Mkuu wa Wilaya ya Siha Mhe.Onesmo Buswelu aliwataka wazazi na Walezi kuendelea kushirikiana na Serikali ili kuchochea ufaulu wa Wanafunzi katika Shule za Msingi na Sekondari.

Mkuu wa Wilaya ya Siha, alisema kuwa Serikali kwa upande wake itaendelea kutoa ajira kwa walimu ili kuziba upungufu  wa walimu uliopo katika baadhi ya shule hasa walimu wa masomo ya Sayansi na hisabati.

Halmashauri ya Wilaya ya Siha imesajili jumla ya wanafunzi 23,198 wa shule za msingi kati yao wavulana 11,594 na wasichana 11,604, ambapo kwa shule za sekondari kuna jumla ya wanafunzi 7,121 wakiwemo wavulana 2,919 na wasichana 4,202 hivyo kufanya jumla ya wanafunzi wote  katika shule za msingi na Sekondari  Wilayani Siha kufikia 30,319.

Walimu Wilaya ya Siha watakiwa kutimiza wajibu wao

Walimu Wilayani Siha Watakiwa kutimiza wajibu wao

Walimu wa shule za msingi na Sekondari Wilaya ya Siha Mkoani Kilimanjaro wametakiwa kutimiza wajibu wao wa kazi ili kuongeza ufaulu wa Wanafunzi katika shule wanazofundisha.

Hayo yamesemwa na Mkuu wa Wilaya ya Siha Mhe.Onesmo Buswelu katika maazimisho ya juma la elimu yaliyofanyika Kiwilaya  katika shule ya msingi Sanya Juu tarehe 30.5.2017.

Mkuu wa Wilaya ya Siha ambaye pia alikuwa mgeni rasmi katika maazimisho ya elimu kwa mwaka 2017 Wilayani Siha, alikagua maonesho mbalimbali ya wanafunzi wa shule za msingi na Sekondari na kuridhishwa na kazi zilizoonyeshwa na wanafunzi.

Katika hotuba aliyoitoa kwa Wananchi,wadau wa elimu,Walimu na Wanafunzi ,Mkuu  wa Wilaya ya Siha aliwataka Walimu kutimiza wajibu wao na kutambua kuwa wao kama watumishi wa Umma ni sehemu muhimu ya Serikali.

Aliongeza kuwa Serikali ya awamo ya Tano chini ya uongozi thabiti wa Rais wa Jamhuri ya Muungano wa Tanzania Mhe. Dkt.John Pombe Magufuli inawathamini sana walimu na inatambua mchango mkubwa unaotolewa na Walimu katika kulikomboa Taifa na adui ujinga.

Aidha,Mhe Onesmo Buswelu aliwataka wazazi kuendelea kushirikiana na Serikali yao kwa lengo la kuhakikisha kuwa watoto wa Kitanzania wanapata elimu inayostahili kwa maendeleo ya familia,jamii na taifa kwa ujumla.

Wilaya ya Siha yang'ara michezo UMISSETA Mkoa wa Kilimanjaro

Siha yang’ara michezo ya UMISSETA Mkoa wa Kilimanjaro

Timu ya Michezo ya wanafunzi wa shule za sekondari Wilaya ya Siha imekuwa tishio kwa michezo mbalimbali kwa mkoa wa Kilimanjaro iliyomalizika hivi karibuni mjini Moshi.

Katika michezo hiyo Timu ya  Wilaya ya Siha imefanikiwa kutangazwa mabingwa wa Mkoa wa Kilimanjaro katika michezo ifuatayo:-

i)                  Wilaya ya Siha wamekuwa mabingwa wa Mpira wa Wavu kwa wasichana

ii)                Wilaya ya Siha wamekuwa pia mabingwa wa Mkoa wa Kilimanjaro katika  mchezo wa Kikapu kwa Wasichana  

iii)             Wilaya ya Siha pia imechukua nafasi ya kwanza kwa mchezo wa riadha mita 3000 ambapo mkimbiaji wa Siha alivunja rekodi ya mkoa kwa kukimbia kwa kasi zaidi kuliko wakimbiaji wote walioshiriki mwaka 2017

iv)             Wilaya ya Siha pia ilipata nafasi ya pili kwa mchezo wa wavu kwa Wavulana

Aidha, Wilaya ya Siha imefanikiwa kutoa wachezaji 10 wanaounda timu ya Mkoa wa Kilimanjaro itakayoweka kambi yake kwa ajili ya kushiriki mashindano ya Taifa   ya umoja wa michezo kwa shule za sekondari (UMISSETA 2017)

Tangazo la Viwanja Halmashauri ya Siha_ Mkoa wa Kilimanjaro