MKUU MPYA WA WILAYA YA SIHA AAPISHWA RASMI

 MKUU WA WILAYA YA SIHA MH.ONESMO BUSWELU AKILA KIAPO KATIKA OFISI YA MKUU WA MKOA WA KILIMANJARO

HALMASHAURI YA SIHA YAENDELEA KUPATA HATI SAFI

Siha yapongezwa kwa kupata Hati Safi

Halmashauri ya Wilaya ya Siha Mkoani Kilimanjaro imepongezwa kwa kupata hati safi kutokana na ripoti ya mkaguzi  na mthibiti Mkuu  wa hesabu za Serikali

Pongezi hizo zimetolewa na Mkuu wa Mkoa wa Kilimanjaro Said Meck Sadiki wakati alipohudhuria kikao maalumu cha Baraza la Madiwani la Halmashauri ya Wilaya ya Siha kilichofanyika katika ukumbi wa mikutano wa Halmashauri hiyo katikati ya Juma. 

Mkutano huo maalum uliitishwa kwa agenda moja ya kupitia ripoti ya Mkaguzi na mthibiti Mkuu wa Hesabu za Serikali kwa mwaka wa Fedha 2014/2015.

Katika Mkutano huo maalum wa Baraza la Madiwani, mkuu huyo wa Mkoa wa Kilimanjaro aliwapongeza Baraza la Madiwani la kipindi kilichopita kwa usimamizi mzuri wa shughuli za Serikali hasa rasilimali fedha

Alieleza kuwa hati safi inapatikana baada ya kila mtu kutimiza wajibu wake, na hivyo aliwataka Madiwani wa Halmashauri ya Siha  kama wasimamizi wakuu wa shughuli za maendeleo wahakikishe wanasimamia kwa ukaribu fedha zote zinazotumwa na Serikali ya Jamhuri ya Muungano wa Tanzania.

“Ndugu zangu kama halmashauri itashindwa kukusanya mapato ya kutosha kitakachoendelea ni kushindwa  kujiendesha na  ninyi kama Madiwani mtakuwa mmeshindwa kutimiza  wajibu wenu na mnaweza kusababisha Halmashauri yenu kufutwa kama lilivyo agizo la Serikali ”alisema Mkuu wa Mkoa wa Kilimanjaro

“Mimi pamoja na Mkuu wenu wa Wilaya ya Siha kama wasimamizi wa Halmashauri tutaendelea kuhakikisha kuwa malengo ya Serikali yanatekelezwa katika viwango vinavyostahili hasa usimamizi wa miradi ya maendeleo ikiwemo barabara,miundombinu ya maji ,Elimu na shughuli nyingine zote” alibainisha Meck Sadiki

Awali akiwasilisha ripoti hiyo ya Mkaguzi na Mthibiti mkuu wa Hesabu  za Serikali, Mkuu wa Idara ya Fedha na Biashara kwa niaba ya Mkurugenzi Mtendaji wa Halmashauri hiyo  Peter Temba aliliambia Baraza  kuwa, Halmashauri ya Siha ni miongoni mwa Halmashauri 49 hapa Nchini na miongoni mwa Halmashauri mbili pekee katika Mkoa wa Kilimanjaro  zilizopata hati safi kwa mwaka 2014/2015

Alieleza kuwa hii,imetokana na ushirikiano mzuri uliokuwepo kati ya wasimamizi wa Halmashauri yaani baraza la Madiwani na Wataalam wa Halmashauri pamoja  na Wananchi na Wadau mbalimbali wa maendeleo wa ndani na nje ya wilaya hiyo.

Halmashauri ya Wilaya ya Siha imekuwa ikifanya vizuri katika usimamizi wa fedha za maendeleo na kufanya halmashauri hiyo kupata hati safi kwa zaidi ya miaka saba mfululizo tangu ilipoanzishwa rasmi mwaka 2007

MKURUGENZI MPYA SIHA ARIPOTI OFISINI RASMI

baada ya uteuzi wa Wakurugenzi wapya na kula kiapo Ikulu Tarehe 12.7.2016 uliofanywa na  Mheshimiwa Rais wa Jamhuri ya Muungano wa Tanzania. Mkurugenzi mpya wa Halmashauri ya Wilaya ndugu VALERIAN M. JUWAL ameripoti ofisini tarehe 15.7.2016 na kuanza kazi Rasmi

WADAU WA NJE NA NDANI WAZIDI KUCHANGIA MADAWATI SIHA

 baadhi ya madawati yaliyotolewa na Wadau wa maendeleo kutoka Nchini Singapore kwa shule za msingi Wilaya ya Siha. Wadau hao wametoa jumla ya Madawati 100 kwa shule za msingi na kufanya ukarabati wa miundombinu katika shule ya msingi Kilari Kata ya Gararagua Wilayani Siha hivi karibuni

miongoni wa wadau hao kutoka Singapore wakimkabidhi Mkuu wa Wilaya ya Siha choo cha kisasa kwa wanafunzi na walimu wa shule ya msingi Kilari

BARAZA MAALUM LA MADIWANI YAKUTANA SIHA

Baraza la Madiwani katika halmshauri ya Wilaya ya Siha yafanya baraza maalum tarehe 17.6.2016 kwa ajili ya kupitia mambo mbalimbali muhimu ya Halmashauri likiwemo la kupitisha wajumbe wawili wa Kamati ya Fedha ,uongozi na Mipango

Baraza hilo la maalum la Madiwani pamoja na mambo mengine agenda muhimu katika kikao hicho ilikuwa ni kupitisha wajumbe wawili waliongezwa katika kamati ya Fedha ,Uongozi na Mipango kwa lengo la kuongeza nguvu katika kamati hiyo

wajumbe waliopendekezwa la baraza hilo ni wafuatao:-

 1. Elia Kiwia-Diwani wa Kata ya Ivaeny

 2. Claudia Muro-Diwani Viti Maalum Siha

ASANTE AFRICA YACHANGIA MADAWATI 48 WILAYANI SIHA

Katika kuunga mkono jitihada za serikali ya Jamhuri ya muungano wa Tanzania za kupambana na uhaba wa madawati katika shule za msingi na Sekondari Wilayani siha

Shirika lisilo la Kiserikali asanteAfrica kutoka nchini Marekani na lenye makao makuu mjini Arusha Tanzania kwa ukanda huu wa afrika Mashariki  limechangia jumla ya madawati 48 Wilayani Siha yenye thamani ya fedha za Kitanzania shilingi  3.6 milioni.

Akikabidhi msaada huo kwa Halmashauri ya Siha mwakilishi wa shirika hilo ndugu Tesha alisema kuwa shirika lake limeamua kuchangia katika madawati ili kunusuru matatizo wanayopata wanafunzi mashuleni ya kukaa kwa msongamano madarasani.

Alieleza kuwa wakati taifa linapambana na kuondoa uhaba wa madawati mashuleni,shirika la asante Africa limeona ni vema kuunga mkono jitihada za serikali ya awamu ya tano chini ya rais wa Tanzania  Mheshimiwa  John Joseph Pombe Magufuli.

Alisema kuwa shirika lake limeona kwa wakati huu ni vema kushirikiana na Serikali katika kuboresha suala la elimu kwa kutambua kuwa taifa ili lipate maendeleo ya kweli watu wake wanatakiwa kupata elimu bora na siyo bora elimu,alisema Tesha

Akipokea msaada huo mkurugenzi mtendaji wa Halmashauri ya Siha Rashid Kitambulio  alishukuru shirika hilo kwa kuendelea kuunga mkono jitihada za serikali ya awamu ya tano katika kuboresha suala la elimu kwa watoto wa kitanzania.

Alieleza kuwa Halmashauri ya Wilaya ya  Siha itaendelea kushirikiana na wadau mbalimbali wa maendeleo  kutoka ndani na nje ya nchi ili kuwaletea wananchi wa Siha maendeleo yanayotakiwa katika Nyanja mbalimbali ikiwemo suala la elimu

Mkurugenzi wa Siha alieleza kuwa hadi sasa Halmashauri yake imebakiza kiasi cha madawati 1744 tu ili kuondoa tatizo hilo katika shule zote za msingi na sekondari Wilayani humo.

Kitambulio aliwataka wadau wengine wa maendeleo wilayani Siha kuiga mfano wa shirika la AsanteAfrika katika kuchangia madawati na miundombinu mingine katika shule za msingi na Sekondari ili kuboresha kiwango cha elimu katika Wilaya ya Siha.

Alielza kuwa Wilaya ya Siha kwa miaka mitatu mfululizo kuanzia 2012 hadi 2015 kiwango cha elimu kimekuwa kikiendelea kupanda kwa mjongea chanya hasa katika shule za msingi nakuifanya Halmashauri ya Siha kushika nafasi ya tatu kwa Mkoa wa Kilimanjaro.

Halmashauri ya Wilaya ya Siha inajumla ya shule za  Msingi  za Serikali 54 na 13 za Sekondari ambazo nyingi zinahitaji kuboreshwa zaidi katika miundombinu yake ili kuendana na wakati na maendeleo ya Sayansi na Tekinolojia.

ASANTE AFRICA YACHANGIA MADAWATI SIHA

ASANTE AFRICA YACHANGIA MADAWATI SIHA

Katika kuunga mkono jitihada za serikali ya Jamhuri ya muungano wa Tanzania za kupambana na uhaba wa madawati katika shule za msingi na Sekondari Wilayani siha

Shirika lisilo la Kiserikali asanteAfrica kutoka nchini Marekani na lenye makao makuu mjini Arusha Tanzania kwa ukanda huu wa afrika Mashariki  limechangia jumla ya madawati 48 Wilayani Siha yenye thamani ya fedha za Kitanzania shilingi  3.6 milioni.

Akikabidhi msaada huo kwa Halmashauri ya Siha mwakilishi wa shirika hilo ndugu Tesha alisema kuwa shirika lake limeamua kuchangia katika madawati ili kunusuru matatizo wanayopata wanafunzi mashuleni ya kukaa kwa msongamano madarasani.

Alieleza kuwa wakati taifa linapambana na kuondoa uhaba wa madawati mashuleni,shirika la asante Africa limeona ni vema kuunga mkono jitihada za serikali ya awamu ya tano chini ya rais wa Tanzania  Mheshimiwa  John Joseph Pombe Magufuli.

Alisema kuwa shirika lake limeona kwa wakati huu ni vema kushirikiana na Serikali katika kuboresha suala la elimu kwa kutambua kuwa taifa ili lipate maendeleo ya kweli watu wake wanatakiwa kupata elimu bora na siyo bora elimu,alisema Tesha

Akipokea msaada huo mkurugenzi mtendaji wa Halmashauri ya Siha Rashid Kitambulio  alishukuru shirika hilo kwa kuendelea kuunga mkono jitihada za serikali ya awamu ya tano katika kuboresha suala la elimu kwa watoto wa kitanzania.

Alieleza kuwa Halmashauri ya Wilaya ya  Siha itaendelea kushirikiana na wadau mbalimbali wa maendeleo  kutoka ndani na nje ya nchi ili kuwaletea wananchi wa Siha maendeleo yanayotakiwa katika Nyanja mbalimbali ikiwemo suala la elimu

Mkurugenzi wa Siha alieleza kuwa hadi sasa Halmashauri yake imebakiza kiasi cha madawati 1744 tu ili kuondoa tatizo hilo katika shule zote za msingi na sekondari Wilayani humo.

Kitambulio aliwataka wadau wengine wa maendeleo wilayani Siha kuiga mfano wa shirika la AsanteAfrika katika kuchangia madawati na miundombinu mingine katika shule za msingi na Sekondari ili kuboresha kiwango cha elimu katika Wilaya ya Siha.

Alielza kuwa Wilaya ya Siha kwa miaka mitatu mfululizo kuanzia 2012 hadi 2015 kiwango cha elimu kimekuwa kikiendelea kupanda kwa mjongea chanya hasa katika shule za msingi nakuifanya Halmashauri ya Siha kushika nafasi ya tatu kwa Mkoa wa Kilimanjaro.

Halmashauri ya Wilaya ya Siha inajumla ya shule za  Msingi  za Serikali 54 na 13 za Sekondari ambazo nyingi zinahitaji kuboreshwa zaidi katika miundombinu yake ili kuendana na wakati na maendeleo ya Sayansi na Tekinolojia.